Gaizkaren arazoak eta irtenbideak

ARAZOAK

1.       Espektatiba handia ez duen ikasleengan deskonfiantza eta desmotibazioa sortzea.

Uste dut arazo hau ohikoena dela. Normala da norberaren burua desmmotibatuta izatea irakaslek zugan esperantza gutxiago duela ikustean. Horrelakorik ez gertatzeko, ikasle hauengan ere konfiantza dagoela erakutsi behar da. Horrela ikasleak ez du bere burua inorenaren azpitik ikusiko, eta horrek nolabaiteko konfiantza eragingo dio ikasleari aldi berean.

2.       Irakasleak ikasle konkretuarengan duen konfiantza berezia adierazten ez jakitea

Horrelako kasuak ez lirateke gertatu behar. Izan ere irakasle batek irakasle izateko prestakuntza bat jaso du, eta prestakuntza horretan era egokian nola komunikatu adierazi behar diote. Dena den, eta tamalez, badaude haien ikasleekin ondo komunikatzen ez diren irakasleak. Beraz, argi dago kasu honetan arazoa irakaslearena dela, eta hori konpontzeko, nire ustez, irakasleak ikastetxetik kanpo ikastaroak jaso beharko lituzke, komunikaziorako ikastaroak konkretuki.

3.       Ikaslean, irakasleak eskainitako konfiantza berezi hori, bereganatzen edo barneratzen ez jakitea.

Arazo hau aurrekoa baino ohikoagoa izan daiteke. Izan ere, denok dakigu ume bakoitzak baduela bere gaitasun komunikatiboa, eta batzuetan nahiko lotsatiak izaten dira. Ume batek konfiantza berezi hori dagoela ikusten ez duenean, konfiantza berezi hori dagoela jakinarazi behar zaio ahalik eta arien. Ez zaio inoiz hitzekin esan behar, bestela horrek arazo asko ekar dezake. Ikaslearengana gehiago hurbildu behar da, berarekin konfiantza berezia lortzeko, edozein txantxa kontatuz, edota gelatik kanpoko galderak eginez. Horrela umeak berarengan nolabaiteko interes berezia dagoela ikusi dezake.

4.       Ebaluatzeko orduan, notak gora edo behera egitea, irakasleak ikasle horrengan duen konfiantzaren arabera.

Arazo hau konpontzea nahiko gauza etikoa da. Izan ere, irakasle batek zerbait zuzentzerakoan, lan horren edukiaren arabera ebaluatu beharko luke, eta ez lan horren egilearen arabera.

5.       Ikasleen artean ika-mikak edo egoera deserosoak sortzea.

Arazo hau da benetan larritzen nauena. Azken finean, uste dut, arazo honengatik gero bulling kasuak gertatu ahal direla. Denok ezagutu dugu gure klasean oso azkarra zen ikasleren bat. Ikasle horrek, normalean, irakaslearen konfiantza dauka, eta bakarrik horregatik, beste ikasle guztien txantxak aguantatu behar ditu . arazo hau konpontzeko, uste dut, ikasle guztiak konfiantza bera jaso beharko luketela, horrela ikasleek ez lukete bere burua inorena baino beherago ikusiko.